نور يا صليب نور

دايما فى ايد البابا منور

بيك بيدينا البركه

وبيك بيعلمنا نشيلك

علشان بيك ننور

صليبى حبيبى أصلك خشب

وانت رمز الألم

فبإلامك لإلاهنا

أصبح مكانى السما

نور يا صليب نور

مكانك دايما فى ايد خليفه مار مرقس دايما منور

نورك أخدته من مسيحنا

قوتنا بيك يا سلاحنا

مانت رمز الرحمة

من رحمه ربنا بينا حملك عنا

من رأفته بينا اتعذب مكانا

واديك فى أيد البابا بتنور

نور يا صليب نور

نور وفرح قلوبنا

نور واشفى علتنا

فاللى حملته زمان

هو خالقنا

من حبه لينا ادانا البابا ليه يرفعنا

من رأفته بينا جعل روحه فى البابا يعلمنا

نور ا صليب نور

تعلمت الحب منك

كنت اسير فى العالم كالجميع

اهتم بلذاتى وشهواتى الكثير

اشتهى واشتهى واشتهى الكثير

ولكنى لم اشبع يوما مثلما اشبعتنى يا حبيبى

من حبك تعلمت الكثير

حبك كان هناك على الصليب

من الأزل رتبت وخطت تجزبنى ليك

بحنان عظيم انقذتنى من براثن الشرير

علمتنى جمال مذاق الحديث ليك

مذاق جميل يشبع الفؤاد المجروح من الطريق

مذاق يلهب القلب بلهيب حب عجيب

مذاق الأمان الذى يفتقد له الكثيرين

قال عنك الأباء الأولين

ان كلك مشتهيات يا حبيب

وهذا قليل عليك يا عظيم

فكل عبارت الحب والتعظيم

لا تفى قدرك يا إلاهى الحبيب

راجع يا حبيبى

راجع يا حبيبى

راجع ادور على حضنك الحانى الجميل

راجع بقلب شريد

راجع ابدأء من جديد

راجع بقلب مطعون

وهو الحربه التى وجهت ليك

راجع بقلب مشتاق لربه من جديد

راجع بقلب حزين

عشمان تقبلتى من جديد

راجع بقلب مجروح

لجرحه ليك تانى على الصليب

راجع وعارف انك له فاتح زراعيك

راجع والخجل يملى القلب الشريد

فعظمه حبك ليا كثير

راجع وبيك مستغيث

ارحمنى من انياب الشرير

فنفسى بات حزين

بالرغم من حملك صليبى عنى انا الحقير

راجع ومش فاهم ايه اللى حصل

ولكنى واثق من انقاذك لى

فقد جلدوك بذنبى وانت الحبيب

صلبوك بجرمى وانت اعظم عظيم

ذقت الخل لتذيقنى ذاتك العذب الرائع الحلو الجميل

راجع ارفع قلبى ليك

ولكنه ثقيل فساعدنى يا قدير

فبدون رحمتك لن استطيع

فبدون حبك انا شارد شريد حزين

ارجوك ضمنى لقلبك يا عظيم

ربى الحبيب ضمنى اليك

ضمنى وخبينى حتى من نفسى الشرير

ارجوك ارحمنى واغفر لى

واعد لى فرحتى بيك

ارجوك اعدنى طفلك من جديد

هللى يا كنيستى هللى

هللى يا كنيستى هللى دقى اجراسك وافرحى
[url]http://www.4shared.com/file/79028330/58b858aa/__________.html[/url]
كل سنه وطفل المزود دايما بقلبكم

قوليلى يا أمى

قوليلى يا امى

احكيلى عن حسنك الطاهر

قوليلى ازاى اوصل لهدب توب نقاءك

قوليلى ازاى ارضى ابنك

احكيلى عن نفسك عن صمتك

اروينى من نبع حبك الطاهر

احكى يا امى احكى وأذيقنى طعم نقاءك

إزاى قدرتى أزاى جمعتى بين حبه وعيشك فى عالم قاسى

قوليلى يا امى

قولى عن طهاره فكرك

احكيلى عن حبك لألاهك

قوليلى ليه اختارك

نفسى اعيش زيك

نفسى انسى نفسى واعود لحضنه الحانى

علمينى عن صمتك

قوليلى عن طاعتك

فهمينى ازاى اخد جزء منك

عرفينى ازاى ارضى إلاهى

عايزه اقولك ماما بس ازاى اقولها وسبقنى ليهاالكائن القادر

عايزه اقبل يدك بس أزاى وهاتين اليدين من حملت الرضيع الحاكم

عايزه انظر وجهك بس أزاى وهذا الوجه من نظر الله الكائن

علمينى يا امى وقولى

احكيلى يمكن اقدر اصل لطرف هدب فستانك النورانى

احكيلى ازاى اقدر اقاوم عتق انسانى

احكيلى ازاى اتحرر من قيود افكارى

ارجوكى اشفعى فيا امامه

ارجوكى اطلبى منه معونتى فلن ينقذنى غير ابنك الفادى

ارجوكى اسرعى يا امى فقد قيدت نفسى باستهتارى

ارجوكى انظرى ضعفى واطلبى تقوينى نعمه إلاهى

ارجوكى المسى ألمى وأعيدى ليا الفرحه بإلاهى

محتاجلك

محتاجلك تعاقبنى

علشان ارجع واعرف قدرى

محتاجلك تعاتبنى

علشان احكى واحكى وافتح قلبى

محتاجلك تسمعنى

وتنسى عجزى واهمالى وأخطائى

محتاجلك تمسح دمعى

وتغفر زلاتى وهروبى منك يا غالى

محتاج اسمع صوتك الحانى

فراحتى عندك يا إلاهى

محتاجك تحملنى

فسقوطى أعجزنى

محتاجك تدفعنى

ادفعنى ولا تترك سقوطى يحطمنى

محتاجك تنشلنى

انشلنى من نفسى ففكرى يهزمنى

محتاجلك توقفنى

فقد طال دورانى فى دوامه اسئلتى

محتاجك تلغينى

وتظهر عظمه مجدك يا غالى

محتاج اقبل قدمك الطاهر

فمسمارك دا مكانه رأسى واقدامى

ارجوك يا إلاهى

انقذنى فقد تاه منى حضنك الحانى

انقذنى فالألم يعتصر فؤادى

ارجوك اعدنى فبدونك سأظل تائه

تعبااااااااااااااااااااااااااااااانه

والحل عندك يا إلاهى

ارجوك انقذنى

فقد اصبحت عاجزه ان اتقدم اليك لتنهضنى من ألامى